المشكلة الوحيدة انى شربت من نيلها ومشيت فى ضواحيها ولى فيها ناس مشتاقة ليهم
المشكلة الاكبر انى شايفها احلى وامن بلاد الدنيا
عندك حل لكل ده

وليه مشكله يا بحر وسما؟

مصر ام الامان والحنان ... مصر اللي مافيش زيها ... كل حته فيك يابلادي بعشقها ... وهل هناك مابعد العشق؟

ربنا يحفظك يامصر من كل سوء وتكون دائما بخير

بنت مصريه

حبيت الأغنية...شيرين رائعة

لكن حسيت انك تبغى توصل رسالة معينة بس أنا ما فهمتها!!!

وخصوصاً لأني حسيت من كلام "بحر و سما" أنها متضايقة شوي ؟؟؟

بحر وسما

طبيعي اني اتخيل ايه ممكن تعمل الاغنية دي في انسان مغترب عن بلاده

انا اللي ماحصلش معايا نص اللي تكلمت عنه شيرين ... لكنها اثرت في كتير


وزي ماقالت شيرين

بس اللي مجرب وفارقها .. آل في الدنيا مافيش بعديها


تشاو

وفاء

ومين هيشهد يعني بده كله غير البنت المصرية :)

غالية بلدنا علينا ..وهتفضل في عنينا

توتي ..

منورة ياتوتي ...

ماقصدتش ابدا اي رسائل ...

كل اللي حصل انها اثرت في جدا ..وحبيتها جدا .. ووجدت مساحات من التفاعل في داخلي

فحبيت اني احتفظ بيها ضمن اوراق مدونتي ...


ومعاكي حق ..اكيد اي احد مغترب عن بلده .. راح يشعر بمشاعر بحر وسما

والا ايه :)

توتي ..

عارفة ..بعد ماكتبت ردي عليكي ..رجعت شفت الاغنية

وعرفت ايش الرسالة اللي انتي ماحسيتها

عرفت قد ايش هالاغنية ذكرتني بأمي رحمة الله عليه ...

افتقدها جدا ... وشعرت بحنين جارف لها رحمة الله عليها بعد مشاهدتي لهذا الفيديو كليب

الأم والوطن ..وجهان لعملة واحدة ..

رحمها الله برحمته ...

مصر مصر مصر اي كلام عنها مش هيعبر باللي جوايا ليها... بحبك يامصر وهتفضلي فوق لاخر لحظه في عمري...سبقتني يابو رهف كنت ناويه ارجع سبيسي بالأغنيه دي بس يلا اللي سبق اكل النبق

انا ماثر فيا غربتى عن بلدى وحبى الكبير ليها وشوقى لكل شبر فيها
والمشكلة هى دى يا وفاء الم الفراق بعد التعود والحب الكبير
عبده ربنا يرحم خالتى يارب فعلا وحشتنا كلنا
وعندك حق الوطن الحنون والام الحنونةوجهان لعمله واحدة

نظرة أمل

حلو توارد الخواطر :)

وحلو ان احنا نكون معتدلين في كل حاجة .. لأن كل حاجة بتزيد عن حدها .. بتقلب ضدها

تشاو

طب والله جميل ونايس وكووول انه في ناس بيحبوها للدرجة دي وهيمانين بيها للاخر - سؤالي ليهم : هم بيتصرفوا مع الحب دا ازاي؟ ازاي هيردوا الجميل دا لبلدهم- لان المعروف ان الحب معادلة مشتركة بين طرفين قابلة للزيادة والنقصان بحسب التفاعلات والظروف ووو
والبلد محسساسهم بالامان والحب- هم بقى هيعملوا ايه ل البلد؟ ماهو لازم يعملوا حاجة و الا دا يبقى استغلال .... ولا ايه؟
سؤال تاني : لو كنا من زامبيا - مش كنا هنحبها نفس الحب دا لانهاهتبقى بلدناوكنا هنشوف انه ترابها اغلى تراب ولا قبله ولا بعده ... ولا ايييه؟
قال ماشربتش من نيلها قال- دا احنا اكبر مصدر لتلويث النيل ورمي النفايات فيه وعلى ذلك قس....

الاغنية جميلة وبلدنا حلوة بس لازم نثبت حبنا بالافعال مش بالكلام...

الأغنية دي أول مرة اتذاعت في البيت بيتك وكانوا وقتها عاملين لقاء مع شيرين ... كنت وقتها في مصر قاعدة في البيت باشتغل ع الكمبيوتر وأول ما سمعتها مقدرتش أقاوم ... الأغنية شدتني بصراحة واتمنيت لو كانت مصر نظيفة كده وحلوه زي ما هي في الأغنية... لكن للأسف لما نزلت تاني يوم الصبح واتصدمت بالواقع والتلوث وغيره وغيره... يا ريت مصر في الواقع زي ما هي كده جميلة في أغانينا وأحلامنا
بس بجد لسه قلبي فيها طول ما حبايبي فيها... وكفايه إن عمتي الله يرحمها مكنش عندها أغلى ولا أحلى من مصر

احنا شباب الجيل الصاعد وتربنا على الحرية وهنجيب النصر هدية لمصر مصر مصر مصر . تحيا جمهورية مصر العربية . تحيا جمهورية مصر العربية . تحيا جمهورية مصر العربية . ده نشيد طابور مدرستى وكنت انا قائد الطابور وكل يوم اقوله وكل الطابور يقوله معايا كان عندى 9 سنين وشوية دلوقتى عندى 26 سنة وشوية لعنت اليوم اللى وفقت فيها وقولت النشيد انا مش جربت الغربة بسفرى برة البلد لكن معتبر طفولتى هى غربتى عن البلد لانى طفل ولا كنت فاهم عن البلد حاجة والله حتى وانا طفل الامان اللى حسيته كان قليل 26 سنة عمرى ما حسيت بالامان بتاع البلد دى الى الان تحيا البلد الجملية بشعبها الجميل اووووووى بنيلها اللى بيتصرف فى المجارى بأمنها وسجون أبو غريب اللى فيها وياما فيها مظاليم

عُبد ..

يعني ايه اللي ممكن الواحد يعمله في رأيك علشان يثبت انه بيحب بلده

وياترى هل اللي بيحبها بيحبها اصلا ليه ؟

علشان الناس اللي فيها .. والا علشانها بلد بتحترم ناسها ؟

ولو كنا من زامبيا ... اكيد كنا هنقول فيها اشعار

تشاو

spanish Guitar

شفتي ازاي ... الاغنية فعلا جميلة ..

كلماتها وتصوريها يمكن عبروا عن احلامنا لبلادنا .. علشان كده حبيناها .. قصدي الاغنية :)

حمدلله عالسلامة .. وحشتينا

أحمد

اعتقد انك تعبر بكلماتك البسيطة عن الالوف من المصريين الذين آلمهم طول الصبر .. وفقدان الأمل في كل شيء

أعتقد ان مصر تفوقت في انشاء جيل .. لا يربطه ببلده .. الا الرقم القومي



تحياتي

السلام عليكم جميعا
الحقيقه الموضوع شدنى ومش عارف منين ابدأالحب اوالعشق اومن النكران للبلدبمن فيها وعليها وانا عارف انى بخش عش الدبابير برجلى لكن ما باليد حيله اى بلد فى الدنياكيف نكون جميله!!!بناسها فان حسن الناس حسنت البلد والعكس اذن فالعيب ليس فالبلدفالعيب فيناواذا كان هناك مقياس فاى بلدممكن تكون سجن لساكنيها وامريكا الى اليوم فيها اماكن اقذر من اى مكان فى الدنيا
واما البلاد الحديثه اللى ربنا كرمها بالثروه فقد بناها المصرين فكرا وعملا ثقافه ولا يقاس الغى بالفقر والله يرحم
ايام التكايا فالنظر لابد ان كون ابعد من تحت الاقدام اذا اردنا لمصرنا الرقى فلا بد ان نغير ما بانفسنا اولا حتى باتى تايد الله وكان فيه اغنيه زمان ايام الحرب بتقول متقلش ادتناايه مصر وقول هندى ايه لمصر هذا قالته الاغنيهمن زمن وقاله عبد الان فى اليابان حبو يدوهم يوم اجازه وقالوا انهم هبشتغلوا اليوم بدون اجر مش بالله لاعليك امضيلى معاك حضور ياحبايبى العيب مش فى مصر العيب فينا احنا فهذه كنانة الله فى ارضه مصر
الموضوع شرحه عايز مجلدات لكن لعلى اوجزت وانجزت حبى وسلامى لكم جميعا

خالي الحبيب

اعتقد ان حضرتك وضعت اليد على مكان الجرح ..

نحن من ننتقد ... ونحن من نقوم بالفعل في نفس الوقت ...

نتحدث عن حبنا لنظافة ورغبتنا في ان تكون البلد نظيفة .. ونرمي النفايات في كل مكان ...

نتحدث عن رغبتنا في الالتزام بكل القوانين .. ونحن اول من يخترقها

البداية تكمن في ذاتنا ... في اسرتنا ..في الحي الذي نسكن فيه ..

وستتطور الامور دون شك الى ان تعم البلد كلها

ماذا اقول مهما كثرت الحروف اوقلت لا نستطيع ان نصف حبنا لها ، لا نساطيع ان نوفي قدرها، لا نستطيع ان نذكر تاريخ يحتاج آلاف المجلدات ويفيض، عندما هانت مصر في هذا العصر هان كل كل العرب، وعندما كانت لها كلمة في العالم اجمع كان للعرب هيبتهم، ماذا نقول بعد قول الرسول عليه الصلاة والسلام خير اجناد الارض، ماذا نقول وفي ارضها نهر من انهار الجنة ، مذا نقول وشرفها الله سبحانه وتعالى بان ذكر اسمها في القرآن خمسة مرات ، ماذا نقول عندما نقرأ تاريخها الكل يجمع بأن مصر هي التي تكتب التاريخ ومازالت ولا تزال تكتبه وأن شاء الله سوف تكتبه وتغيره للحق وليس للباطل، ماذا تقول عن شعب فيه السماحةوصلت لدرجة العبط بنى بلاد بثقافة وفكر وعمل الكل يشهد وفي وقت شدته تخلى العالم كله عنه، ومقولة قرأتها وابصم بصدقها ( عندما يعطش العرب يشرب من النيل وعندما يعطش المصريين يشربوا من البكابورت من المجاري )، ماذا نقول في بلد يتعرض شبابه لكل انواع التدمير مخدرات تهرب بكل الطرق ، افكار هدامة، ظروف تدعوه لليأس من المستقبل.
بلادي بلادي لكي حبي وفؤادي لكل روحي وكياني، اعشقك بالرغم ما انتي فيه، سامحينا يا امي قد عريناكي في زمن البغايا، سامحينا سامحينا سامحينا)