الاربعاء, 28 فبراير, 2007
كل شهر وأنتم بخير .. وهاهو شهر من العمر يمضي ... نسأل الله لنا ولكم أن يبارك في أيامنا وأعمارنا
شهر فبراير .. ثاني شهور العام .. شهر ميلاد امي الحبيبة .. الأجواء جميلة جدا .. والنفسيات احلى والحمد لله
العائلة
رحمك الله ياأمي .. وأسكنكِ فسيح جناته
رهف وروان وأولى الشهادات الدراسية ... امبارح بس كنا مش عارفين هتروحوا المدرسة لوحدكم ازاي ... ربنا يوفقكم
رهف ورحلة الضياع اللي قطعت قلبي وقلب امها عليها ... هو ماكانش ضياع بمعنى الكلمة والحمد لله .. وربنا يحميكم يارب جميعا
عودة الى لبس النظارات من جديد ... وصفها الدكتور لي من سنتين ..ومالبستهاش الا لفترة بسيطة .. لكن واضح ان النظر بيضعف مع الوقت .. ربنا يستر
العمل
Auditجديد .. ونتيجة جميلة والحمد لله .. والتدقيق النهائي في يونيو ان شاء الله ..وربنا يسهل
1 مايو ... يوم استلامي مهام وظيفتي الجديدة كاملة ان شاء الله ...
28 مارس .. بداية اجازة لمدة اسبوعين ..ولسة مش عارف هاروح فين
يوم الشركة المفتوح ..تحدد في يوم 10 مارس ان شاء الله
متفرقات
الأهلي السعودي ..فريقي المفضل ..وعودة الى منصة البطولات بعد غياب اربع سنوات .. وبطولة كأس الامير فيصل
تأمين العربية جددناها بحيث ينتهي في سنة 2010 م ان شاء الله
المدونة
حتى لحظة كتابتي هذا الموضوع
عدد المقالات : 82مقال
عدد التعليقات : 678تعليق
عدد الزيارات : 4610زيارة
الثلاثاء, 27 فبراير, 2007
ثلاثة أيام ونحن في ايدي تسعة Auditors ... اسئلة يمين وشمال ..وورونا وخلونا نشوف ..
الحمد لله ..انتهت الايام الثلاثة ... وماسبقها من تحضيرات امتدت لاسابيع سابقة ...
النتيجة بكرة الظهر ... ربنا يسهل :)
================================
شيء مؤسف فعلا ... ومحزن ... ندعو الله ان ينتقم ممن قاموا بذلك ..
===================================
اهلي جدة يتأهل الى دور الأربعة في البطولة العربية ... يارب يحقق بطولته الثانية هذه السنة ... دعواتكم
===================================
امبارح كان فيه عشا عمل مع الاخوة التسعة اللي كلمتكم عنهم فوق .. طبعتم عرفتم العشا كان فين
برافو عليكم .. في المطعم اللي مايتسماش ... اللي اسمه المطعم الصيني ...
وطبعا مش هارجع احكي عن معاناتي مع الاكل ... بيني وبينكم ..كلت رز ... وشوية صلصة عليه ..والحمد لله
حتى البنانا سبليت ..كانت لا تطاق ...
ولله في خلقه شؤون :)
======================================
امبارح قابلت زميل ماشفتوش من سنين .. انبسطت جدا اني شفته ..هو دكتور مرموق في مستشفى سعد ...
الدنيا صغيرة فعلا ... والحمد لله ان الذكرى الحلوة هي اللي بتستمر
====================================
أكيد سمعتوا عن خبر المدون المصري ..كريم عامر ... اللي تم الحكم عليه بالسجن لمدة اربعة سنوات ..
في البداية ..تضايقت كثيرا من الخبر ... فهل يدخل الانسان السجن من أجل أفكاره وارائه ..
لكن عندما قرأت ماكتبه ... تألمت أكثر لما شاهدت من كتابات لا أجد وصفا مؤدبا لها .. ولا أريد أن اجرح ذوقكم بوصفها
اراكم في بوست جديد
الجمعة, 23 فبراير, 2007
اعتقد أن كل من شاهد فيلما في سينما السيف في البحرين .. سيعرف فورا ماأقصده بعنواني أعلاه
ولمن لم لا يعرف ... الحكاية ببساطة .. أنه قبل ابتداء أي فيلم .. يتم عرض مشهد تمثيلي قصير ..لمدة ثواني ... وبرغم قصره ..وبرغم ان هناك من شاهده كثيرا ..الا ان الضحكات تعلو وكلمات الاستهزاء والاستخفاف تتناثر يمنة ويسرة ..طوال تلك الثواني المعدودة ...
المشهد يتحدث عن مدير شركة ..في اجتماع مع موظفيه ... يبدأ اجتماعه بتبيان اهمية الاجتماع ... واذ بجوال احد الموظفين يرن بصوت عالي ... ولبجاحته ..يقوم بالرد .. هلا ... انا في اجتماع .. لا وش عليك منهم .... وطبعا صوته عالي ..وضحكات مستفزة ... مع استهجان واستغراب الموظفين والمدير ... ليسأل سؤاله الشهير
منو هذا .... وتكون الاجابة .. مزعجايل ... وينتهي المشهد بانتقال الموظف الى اعلى طاولة الاجتماع مع ضحكات مستفزة عالية
تتماشي معها ضحكات المشاهدين ..والمشاهدات .. وبعض كلمات استهجان واستهزاء ..كما اسلفت اعلاه
لم يكن غرضي من هذا البوست ان اقوم بعملية دعاية لهذا المشهد .. او لمجمع السيف ..او للسينما للبحرين
انما تلك التساؤلات التي تتعارك في عقلي مع ظهور مشهد مزعجايل .. هي السبب
تساؤلاتي ياأحبة ببساطة
هل يا ترى أصبحنا أنانيين الى هذه الدرجة ... نهتم بأنفسنا ورغباتنا ... ولا يهم من هم حولنا
هل ياترى تفكر في مدى انزعاج من هم حولك من تلك السيجارة التي تشعلها في فمك .. وتنفث دخانها بعيدا في وجوههم ؟
هل اهتممت يوما بمن حولك عندما تكون الغرفة مغلقة ..وتتفضل مشكورا بخلع جزمتك .. ليستمتع الجميع برائحة شرابك النتنة ؟
هل تحرص على عدم ازعاج الناس بصوت نغماتك في الاماكن التي تحتاج الى هدوء وتركيز ... هل تهتم بذلك عند دخولك المسجد ؟
هل فكرت قليلا في مشاعر من تقوم بأخذ حقهم في الدور ..وتتساقط عليهم دون ادنى اعتبار لكونهم متواجدين في الصف قبلك ؟
*** اضافاتكم .. يمكن حد يقراها وتعرف انها بتزعج غيره ..فياخد باله
هل تهتم وانت جالس على كرسي الطيارة ..في الدرجة السياحية ... وتقرر ان تعيد ظهر مقعدك الى الخلف .. هل تهتم حقا بذلك الانسان اللي رجليه وركبته مش لاقية مكان علشان انت تزنقهم بظهر مقعدك أكثر وأكثر ؟
هل تراعي أثناء تناولك الطعام ... تلك الأصوات التي قد تخرج من فمك .. وتثير الاشمئزاز لمن هم حولك
أحبتي
هل يهتم كل فرد منا فعلا بمن حوله وان يحرص على ان لا يطلق أحدهم عليه تلك الكلمة "مزعجايل" ... أم انها شعارات فضفاضة ... نتباهى بها ..دون ان ننفذ منها حرفا
الجمعة, 16 فبراير, 2007
أمي الحبيبة ... أسأل الله تعالى أن تكوني ممن قال الله عنهم تعالى " بل أحياء عند ربهم يرزقون"
رحمكِ الله .. وجزاكِ كل الخير عن كل مافعلتيه من أجلنا ... لو حكيت مش هتكفيني مدونات العالم
قرابة السبعة أشهر مضت منذ آخر مرة رأيت وجهك المضيئ فيها ... اشتقت لجمال وجهك ياأماه
اشتقت لكلماتك، دعواتك ، ابتسامتك التي كانت تزيل هموم الدنيا كلها
مثل هذا اليوم ياأغلى الحبايب ... كان يوم مولدك .. منذ 57 سنة ... هي الذكرى الاولى لمولدك ياست الحبايب بعد غيابك
منذ عام .. كتبت في سبيسي ... وقلت أنني أشتاق الى أن أكون بجانبك في هذا اليوم ... أربعة سنوات مضت وقتها دون أن اكون معك ... وتمنيت أن أكون معك هذا العام في هذا اليوم
واليوم جاء ... ولكن ..لم تعودي بيننا ياأماه ...
رحمك الله ياأمي ... وغفر لك ذنوبك .. وتجاوز عن سيئاتك .. وجمعنا بك في جنات الخلد ... في عليين .. يارب العالمين
الخميس, 15 فبراير, 2007
بيقولوا امبارح كان اسمه يوم الحب .. طبعا مش عيد الحب علشان مايكونش حرام ..
واضح ان العلاقات بين البشر اصبحت في القاع .. حتى بين أقرب الناس .. علشان كده اخترعوا حكاية الايام دي او الاعياد علشان يفكروا نفسهم من وقت للاخر انو لسة فيه بني ادمين عايشين معانا .. وانو فيه علاقات بشرية لازم نحافظ عليها
يوم الاسرة
يوم الاب
يوم الام
يوم الحب
وطبعا بطبعنا العربي .. أعطينا لهذه الايام قيمة داخل اجندتنا .. بالرغم من ان علاقتنا بين بعضنا أفضل بكثير من هؤلاء الذين اخترعوا هذه الأيام .. لكن طبعا لازم نعمل زيهم .. ماينفعش .. صح :)
علشان كده .. سامحوني كلكم .. كان لازم اكتب امبارح اني باحبكم كلكم .. وياريت ماحدش فيكم يعتقد اني قاسي القلب والمشاعر علشان ماعبرتش عن فرحتي باليوم العظيم ده :)
========================================
الخميس .. يومي الاسبوعي المحبب .. طبعا اللي متابعني عارف خلاص ليه اليوم ده محبب لقلبي
صحيح انو عندي شغل النهاردة ..ولسة مش عارف هاقدر اروح البحرين والا لأ ... مش عارف !
========================================
بانت ملامح الاجازة القادمة لي ...
من يوم 29 مارس الى يوم 13 ابريل ... هاستغل ان البنات عندهم اسبوع اجازة في الفترة دي .. واخد العائلة ونروح مصر ان شاء الله
هم يروحوا عند جدهم وجدتهم .. وانا اخد لي كم يوم في شرم ...
=======================================
بصراحة .. خدمة شبكة مدوناتي من جيران أكثر من رائعة ...
الان وفي صفحة واحدة فقط .. اصبحت قادرا على متابعة آخر أخبار أصدقائي المدونين ..
شكرا ياجيران ..عاجباني كتير الخدمة دي ..
ياترى عارفينها كلكم ..والا لأ ؟
========================================
الأسهم كان اسبوعها أخضر .. يارب يخضر أيامها كلها يارب ..
طبعا لسة بدري لغاية مانوصل لراس المال .. لكن مشوار الالف ميل يبدأ باسبوع اخضر
========================================
أسعار الفاكهة والخضار في جنون .. كنت زمان اسمع ان المجنونة هي الطماطم بس
لكن واضح ان كل الخضروات اصبحت مجنونة ..
حتى طبق السلطة اللي كان بيد الجميع انه يتناوله دون أن يفكر كثيرا في تكلفته .. أصبح الان مجنونا
ربنا يعين
=======================================
نراكم في الهسترة الجاية
ومرة تانية
باحبكم جميعا .. وكل عام وأنتم معي هنا ..تغمروني بحبكم ومشاعركم الرائعة
الاثنين, 12 فبراير, 2007
المكان :
شارع داخلي .. بين مجموعة من العمائر السكنية ... معظمها مخصصة كشقق مفروشة ... لا محال تجارية فيه.
الزمان:
منتصف الأسبوع ... يوم الإثنين ... الساعة الواحدة والثلث ظهرا
الحدث:
في روتين يومي ... ومع انقضاء ساعات الدراسة اليومية ... يتوجه باص المدرسة إلى بيت الطفلة ... يقف أمام باب العمارة ... تنزل الطفلة ... تقفل باب الباص ... ينطلق الباص في طريقه المعتاد كي يقوم بإيصال طفلة أخرى إلى بيتها ...
كالعادة ..تتوجه الطفلة الى عمارتها ... وعلى غير العادة ..باب العمارة مغلقا ... تحاول فتحه من الخارج .. لا تستطيع ... تتجمع الدموع في عينيها الصغيرتين ... تتلفت يمنة وبسرة ... ولا أحد ينقذها ويفتح باب العمارة لها
ماذا تفعل .. تراكمت الافكار في رأسها ... تجمع رباطة جأشها .... وتقرر التصرف في هذه المشكلة ... فكرت في أفضل مايمكن فعله ... حملت حقيبتها ... توجهت مباشرة الى الشارع العام الذي يبعد عن منزلها قرابة ال 500 م
تتذكر طفلتنا جيدا أنه على الشارع العام هناك محل ملابس كبير .. اسمه "سماء" يزوره أبي وأمي باستمرار ..ويأخذوننا معهم اليه ... فيه الكثير من الأشخاص .. وسيساعدوني دون شك
تصل الى "سماء" ولسوء حظها .. المحل مغلق .. لا يوجد أحد فيه ..
ماذا تفعل الان ... تتذكر جيدا أن هناك محلا آخر كبير ..تذهب اليه باستمرار .. لايبعد كثيرا عن "سماء" .. تشد الرحال .. وتتوجه الى "أسواق المزرعة" ... بدون شك كانت الثواني تمر بطيئة جدا عليها ... والصور تتشابك داخل عقلها الصغير
تصل سالمة الى "أسوق المزرعة" تدخلها دخول الفاتحين ... تتوجه مباشرة الى أقرب شخص تقابله من موظفي المكان ... بكل ثقة تخبره ... "عمو ... باب البيت مقفول ... وعايزة أكلم بابا" ... بكل إعجاب يسأل الموظف تلك الطفلة ... "حافظة رقمه ياشاطرة" ... "نعم " وتخبره بالرقم ...
الأب ... كان يتناول طعام الغذاء في مطعم الشركة .. حوله زملاء العمل ... الجوال في جرابه الملفوف حول حزام البنطلون ... يرن جرس الهاتف ... دون أن تصل نغماته الى مسامع الأب ... يعود الموظف لسؤال الطفلة .. "عارفة رقم ماما ياشاطرة" ... "ايوة ياعمو" وأعطته رقم المنزل الذي تحفظه
اتصل الموظف بالبيت .. ردت الأم ... علمت بماحدث لابنتها .. توجهت مسرعة الى "أسواق المزرعة"
في نفس الوقت .. ينتبه الأب الى أن هناك من اتصل به ... يضغط على الرقم ..ويتصل به ... يرد صوت الموظف من الطرف الاخر ... "حضرتك والد رهف" ... "ايوة ..خير ..مالها رهف" "لا ابدا ماتقلقش .. رهف عندنا ووالدتها في الطريق علشان تاخدها" ...
بصراحة ..لن استطيع ان اصف شعوري وقتها ... لكنني تركت المطعم فورا وتوجهت الى سيارتي دون تفكير ... انتبه لما حدث أحد زملائي .. لحقني مسرعا وسألني ماالذي حدث ..أخبرته سريعا .. عرض وباصرار ان يأتي معي كي لا اقود السيارة انا في هذه الحالة ... شكرته وطلبت منه ان يهتم فقط بجهاز اللاب توب الموجود على مكتبي ...
اتصلت على أم رهف ... وعرفت انها في الطريق ليها ... وبعد دقائق اتصلت تطمئنني بأنها قد استلمت رهف والحمدلله ...
اللهم لك الحمد والشكر ... لولا فضل الله ونعمته ولطفه .. لكان الحال الان غير الحال ... حفظها وألهمها ماتقوم بعمله .. دون أن تتوتر الى الحد الذي يفقدها حسن التصرف
حمد لله عالسلامة يارهف
الاحد, 11 فبراير, 2007
من اكره الامور الى قلبي .. ان يحين موعد الذهاب الى الحلاق ... باحس انه فيه هم ركبني ... وباجلس اسبوع في عذاب ..ويمكن اكثر لغاية مااروح للحلاق ...
مش عارف ليه صراحة المشوار ده ثقيل جدا على قلبي .. لدرجة اني مش باحلق الا مرة كل شهر ونص تقريبا .. ولما يوصل شعري للطول البايخ جدا والملفت لكل واحد بيشوفه ...
رغم اني عارف اني شكلي بيكون احسن مية مرة وشعري متهندم ومتزبط ... لكن
باكره الذهاب الى الحلاقين .. مع محبتي لشخوصهم طبعا :)
============================
داح ... عربيتي العزيزة .. مرت بمراحل علاجية مختلفة الاسبوع الماضي ..صعبت علي المسكينة
بداية بصيانة ال 40 الف كيلو .. وازاي تأثير الوقت والاستعمال بانوا عليها ياعيني .. وبعد ماطلعت بيومين ..زجاج السائق توقف عن الحركة .. لابيطلع ولا بينزل ... اكتشفوا انه انكسر من جوة وركبوا واحد جديد
سلامات يا داح :)
============================
امبارح مارحتش الشغل ... صحيت الصبح لقيت نفسي مش عايز اروح العمل .. يمكن من كتر الضغوط اللي فيه ... قلت يمكن اغيب يوم الاقي كل حاجة انحلت ...
وفعلا .. رحت النهاردة ..لقيت ان المشكلة الرئيسة اللي كنا بندور في فلكها لينا شهر .. اخذت الادارة فيها قرار .. وقرار كان مريح لنا جميعا ... والحمد لله :)
يعني نفهم ايه ... لما تكتر المشاكل عليك .. خد اجازة من كل حاجة ... وارجع تلاقي ربك حل كل حاجة ..
===========================
الويك اند اللي فات كان جدا جميل .. بتواجد اخي الاكبر معنا هو وجزء من اسرته ... اللمة حلوة .. وكفاية ان البنات يحسوا ان ليهم اهل ... ويقضوا وقت جميل بينهم ...
وكانت فرصة كمان ان اخويا الكبير يساعدني في المهمة السرية اللي كلمتكم عنها المرة اللي فاتت :-D
===========================
مش عارف ليه فيه ناس همها انها تدخل نفسها في شؤون غيرها ... وتحاول تخلي الناس تعيش الحياة زي ماهم عايشينها .. وكأن الحياة لا يمكن ان تنعاش الا بالطريقة بتاعتهم
انتو بتعملوا كده ليه ..كده غلط ..مش هتنبسطوا لما تعملوا كده ... يادي النيلة .. هو احنا اللي هننبسط والا انت ..
شيء غريب
ياريت كل واحد يعيش حياته زي ماهو عايز يعيشها .. ويبطل يتدخل في امور الناس ..ويسيب كل واحد يعيش حياته زي ماهو حاببها ...
وبلاش نعتقد انو احنا لدينا الوصفة السحرية ... وغيرنا لايملك الا غباء العقل والتفكير ..
الجمعة, 09 فبراير, 2007
ألف ألف مبرووووووووووك
الأهلي .... بطل كأس الأمير فيصل .. لعام 1428 هـ
وأخيرا فعلوها الأبطال .. وجاء الكأس من أمام من حرمنا بطولات عديدة في السنوات الخمس الأخيرة
مبروووووووووووووووووووووك
مبروووووووووك
مبرووك
الجمعة, 09 فبراير, 2007
ألف مبروك يارهف
وهذه أولى الشهادات لرهف
أولى ابتدائي ... الفصل الاول
النتيجة بحمد الله ..امتياز في كل المواد ...
اسف .. جيد جدا مرتفع في الفرنسي ...
معلش يارهف ..لا ابوكي ولا امك يعرفوا فرنسي ... هنعمل ايه طيب :)
الابلوات فرحانين منها جدا والحمد لله
والمشكلة الوحيدة ..هي التخاطب ... وانا عارف ان ده طبيعي
الحمد لله ..يارب يبارك فيكِ يابنتي .. ويجعلك دائما في تفوق
الثلاثاء, 06 فبراير, 2007
أصبحت أكره متابعة الأخبار ... كنت قد آمنت فعلا أنه لا بد من متابعة الأخبار كي أكون مثقفا ملما بما يدور حولي في هذا العالم ... ولكني وبحمد الله استيقظت مبكرا من هذا الوهم .. فالأخبار هي ذاتها منذ ولادتي ..
آسف ..انا غلطان ..فيه فرق كبير بين زمان والان ... زمان كان اللي بيقتلنا اليهود والامريكان ... اما الان ...فاللي بيقتلنا برضه اليهود والامريكان ..لكن بعد مااكتشفوا ذكاءنا الرهيب ... وحبنا لأن نتولى هذه المهمة نيابة عنهم ... فريحانهم احنا من الحاجات دي ... وتولينا المهمة بذكاء شديد ... على رأي اللي بيقول ..ابليس بيتعلم منا ..
حاجة مقرفة ..صح ... مش عارف ايه المشكلة ان الناس كلها تعيش جنبا الى بعض .. والله الدنيا كبيرة ..وبتوسعنا كلنا ... لكن مش عارف ... ياترى ممكن يدمروا كل سلاح في العالم ..حتى السكاكين والخناجر !
===================================
اليومين دول عندي مشروع مهم ..خارج العمل مهمة خاصة يعني .. وخاصة جدا ..شغال عليها ... ولو نجحت فيها ..هاقوللكم عليها ... لكن لو مانجحتش .. ولا كأنه حصل حاجة :)
===================================
الضغوطات في العمل بتزيد يوم ورى يوم .. الحمد لله ان احنا بنحل المشاكل يوم ورى يوم ..بس كل يوم مشاكل ..كتير ..صح :)
اصبحنا نروح العمل ..واول ماندخل المكتب ..نقول ربنا يستر مشاكل ايه مستنيانا النهاردة
الله يرحم ايام زمان .. كنت باداوم متأخر نص ساعة ..واطلع بدري نص ساعة ..واشتغل في اليوم نص ساعة :) .. وفي نظر المدراء انا عبقري ..لاني بانجز قد مية واحد تاني ... وده طبيعي في ظل الشركات اللي كنت باشتغل فيها ... موظفينها مؤهلات منخفضة .. ولما يعملوا الحاجة يعملوها في سنة .. وبالنسبة لينا كانت اسهل ... علشان كده تلاقوا في الشركا ت الخاصة المحلية ..مدير مؤهله متوسط ..وخبرة كبيرة .. وحواليه ناس اكثرهم تأهيلا ..عنده الثانوية :) .. طبعا لانه يخاف يجيب واحد فاهم ..ياكل الجو عليه
وعجبي
==================================
عندي اسبوعين اجازة .. مش عارف اروح فين فيهم ... المفروض اخدهم قبل نهاية شهر ابريل الجاي ... والا يضيعوا علي .. وطبعا فيه مدارس ..ومااقدرش اخد اجازة معاهم .... وماينفعش اخد الاجازة واقعد في البيت
طب اعمل ايه ...
انا سمعت عن المنتجعات العلاجية الموجودة في التشيك .. وعيني على اسبوعين هناك .. ايه رأيكم ؟
==================================
كفاية كده ... اول مرة اكتب موضوع منوع بالشكل ده .. لكن وحشتوني ..وقلت افضفض شوية
الجمعة, 02 فبراير, 2007
الفصل الاول ... كي جي 1
شهادة ترفع الراس .. كنت خايف انها مش ماشية في المدرسة ..كونها بالعنجليزي
لكن الحمد لله ... كله تمام ... ابلتها كانت مبسوطة منها جدا
وصتني اني احنا نهتم ب 3 حاجات
1- الكتابة على السطر
2- المحادثة ..اصلها خجولة شوية ..زي عماتها :)
3- التلوين .. لما بتلون بتطلع خارج حدود الصورة ..
وغير كده ..فهي ماشية حسب المطلوب
الحمد لله
مبروك ياروان ..وعقبال رهف
وعقبال نهاية السنة
أخيرا عادت لنا جيران بعد غياب اكثر من 24 ساعة :) حمد لله عالسلامة
الخميس, 01 فبراير, 2007
كل شهر وأنتم بخير .. وهاهو شهر من العمر يمضي ... نسأل الله لنا ولكم أن يبارك في أيامنا وأعمارنا
شهر يناير .. بداية سنة جديدة .. تكملة أيام عيد الأضحى ... وعاشوراء ... واستمرار البرد بطريقة غير معتادة ... وطفل جديد
العائلة
رحمك الله ياأمي .. وأسكنكِ فسيح جناته
فارس ... الحدث الأبرز في هذا الشهر ... احتل لنفسه مكان الصدارة في الشهور بين العائلة ... كما انه حافظ على أن يكون هو واخوته من مواليد شهر فردي . وحمد لله على سلامة أم فارس
أخواتي البنات " التوأم" والانتهاء من سنوات الدراسة ... صحيح باقي ليهم تكة تخلص في الصيف ان شاء الله .. لكن نقدر نقول ..مبروك يابنات
اول مرة نعيش في جو اختبارات في البيت ... ربنا يوفق جميع الطلبة . وعقبال مانفرح بنتيجة رهف وروان
العمل
ضغط متواصل في العمل ... نتيجة ظروف غير معتادة تمر بها الشركة .. الظروف جيدة .. وتطلب جهد أكبر للحصول على الفرصة الجيدة المتاحة للشركة .. بس في المقابل ... الضغط مش طبيعي فعلا
فاكرين دورة الجودة اللي في البحرين ... طلعت النتايج ..وعديناها بخير الحمد لله :)
ماسافرناش دبي بسبب فارس ... وماسافرناش بولندا برضه بسبب ضغط العمل .. ثاني مرة اشتري التذاكر واطلع التأشيرة ..وقبل السفر بيوم والا اثنين تتلغي الرحلة ..
حفل وداع لصديقي العزيز ..حفل جميل
