2007 ... وايه الحكاية

ياترى لما تنتهي سنة 2007 ... هيكون حالي ايه .. هاكون عايش اصلا والا في عداد الاموات

خلوني اتخيل كده ..لو ربنا امد في عمري ..ممكن يكون حالي ايه

1- هاكون لسة مازلت في عملي الحالي .. وفي نفس مهمتي

2- هتكون عيلتي أكبر .. وفارس يكون منور البيت .. وعنده سنة الا شوية ... ورهف في ثانية .. وروان في التمهيدي

3- البيت هانقل منه .. هاروح بيت جديد .. ويمكن يكون مجمع سكني

4- هازور دولة جديدة على الاقل .. وغالبا في اوروبا .. وممكن تكون تركيا او المغرب

5- عربيتي مش هتتغير ..هتفضل زي ماهي

6- هاكون سبت الاشراف العام على منتديات جمعية النادي .. واوقفت الكتابة في المنتديات بشكل نهائي .. حاولت في 2006 وماقدرتش .. لكن مازلت مصمم ان شاء الله :)

7- هتكون فلوسي اللي سايبها في سوق الاسهم السعودي زي ماهي .. ماشلتهاش ..ولسة مارجعتش لقيمتها

8- عدد المقالات في مدونتي هيكون متجاوز الرقم 250

بس كفاية ..لو افتكرت هارجع تاني :)